हलंदी हलाइजाइं, हथु न मुंझाइजाइं
ओ मुंहिंजा साईं, मुंहिंजा दुखिड़ा मिटाइजाइं
पूॼा पाठु न जपु-तपु ॼाणा
पीरु फ़कीरु न कोई सुञाणा
ॾसु तूं ॿुधाइजाइं, रस्तो सुझाइजाइं
ओ मुंहिंजा साईं, मुंहिंजा दुखिड़ा मिटाइजाइं
सोनु घुरा़ न मोती घुरां मां
तुंहिंजे प्यार जी जोती घुरा मां
अर्ज़ु अघाइजाइं, आश पुॼाइजाइं
ओ मुंहिंजा साईं, मुंहिंजा दुखिड़ा मिटाइजाइं
तूं दाता ॿाझारो आहीं
तूं सभिनी जो सहारो आहीं
बिगिड़ी बणाइजाइं, भाॻु जॻाइजाइं
ओ मुंहिंजा साईं, मुंहिंजा दुखिड़ा मिटाइजाइं
स्वरचित रचना: ईश्वरचंद्र चंचलानी (उज्जैन, भारत)
© सर्वाधिकार सुरक्षित
