मां आहियां हिकु मुसाफ़िरु, मूंसां न दिलि लॻाइजाइं
पंहिंजे अखियुनि में मुंहिंजा, तूं ख़्वाब न सजाइजाइं
मां तुंहिंजे हिन शहर में, बसि थोरा ॾींहं आहियां
मूं वास्ते वफ़ा जो, महलातु न अॾाइजाइं
मां आहियां हिकु मुसाफ़िरु,मूंसां न दिलि लॻाइजाइं
झोंको हवा जो आहियां, हिक हंधि रही न सघंदुसि
मूं लाइ को बि सोनो पिञिरो न तू घुराइजाइं
मांआहियां हिकु मुसाफ़िरु, मूंसां न दिलि लॻाइजाइं
नूरानी अथई चहिरो, अल्लह जी महिरबानी
बख़ुदा तूं ख़ुदि खे ग़म जी, तस्वीर न बणाइजाइं
मांआहिया हिकु मुसाफ़िरु, मूंसां न दिलि लॻाइजाइं
तूं रोकि जाइं आंसू, तूं रोकि जाइं आहूं
रोकिण जा मूंखे लेकिन, हीला न तूं हलाइजाइं
मां आहियां हिकु मुसाफ़िरु, मूंसा न दिलि लॻाइजाइं
रचनाकार: ईश्वरचंद्र चंचलानी (उज्जैन, भारत)
गायक: विकास गुर (लागोस, नाइजेरिया)
एलबम: दिल करे थी घोड़ा घोड़ा (१९९७)
© सर्वाधिकार सुरक्षित
