थिउ सुजाॻु ओ सुहिणा सिंधी, पंहिंजो फ़र्ज़ु निभाइ तूं,
सिंधियत जो प्यारो परचमु, दुनिया में लहिराइ तूं।
इष्ट देव झूलणु आ तुंहिंजो, रहबरु ऐं रखवालो,
हुन दाता खे हरदम पंहिंजे, मन-मंदर में वसाइ तूं,
थिउ सुजाॻु ओ सुहिणा सिंधी, पंहिंजो फ़र्ज़ु निभाइ तूं।
जुदा थी वई तोखां सिंधुड़ी, तोखां दूर आ हाणे,
तो वटिआ बसि सिंधी ॿोली, दौलत इहा बचाइ तूं,
थिउ सुजाॻ ओ सुहिणा सिंधी, पंहिंजो फ़र्ज़ु निभाइ तूं।
सिंधू सभ्यता जो तूं वारिसु, बेमिसाल तूं आहीं,
तोखे मिलियोआ ताजु शान जो, तंहिंखे अञा सजाइ तूं,
थिउ सुजाॻु ओ सुहिणा सिंधी, पंहिंजो फ़र्ज़ु निभाइ तूं।
मिटीअ मां थो सोनु बणाईं, सिंधी आहीं सियाणो,
हाणे पंहिंजी हिन सियाणप सां, जॻ खे सुर्ॻु बणाइ तूं,
थिउ सुजाॻु ओ सुहिणा सिंधी, पंहिंजो फ़र्ज़ु निभाइ तूं।
स्वरचित रचना: ईश्वरचंद्र चंचलानी (उज्जैन, भारत)
© सर्वाधिकार सुरक्षित
